August 17, 2009

  • 琴日一早起身執齊行裝，等齊人出法。

    今日四Pair人（阿爸、阿媽、家姐、阿健、我、老公、細妹、黃君）

    一齊去大浪灣游水同燒野食，

    一去到就分工合作，阿爸泊車，

    三位猛男（嘔……）租傘，

    我地四條女就起爐，

    之後人齊，我哋三姊妹連埋我貪玩嘅老公一齊落水，

    跟住玩咗陣就返去燒烤，食到飽飽哋，

    我哋三Pair後生就落去玩，玩之前我哋去咗租浮床，

    跟住齊齊落海玩，阿伶俾我哋反咗佢落海兩次，

    哈哈………玩到累又繼續燒烤燒，

    燒到咁上下，我同老公又去玩水，

    不過我瞓係床，而老公就護我游出啲，

    跟住家姐果啲落咗黎，我就返咗上去，

    無耐佢哋上埋黎，天都黑，我哋就走。

    返到屋企要排隊沖涼，搞掂晒我哋三Pair人玩大富翁，

    玩到十一點幾，黃君要走啦，

    跟住我同家姐一齊煮宵夜俾我哋隻佬，

    食完家姐就走啦，我同老公都瞓啦！！！