同何生分手已經2個月LU~~~~
呢段時間就係做自己鍾意嘅野。
見返自己既朋友，過返正常生活….

唔知點解好得意架。
同佢一齊四年，好似冇晒朋友咁…
FACEBOOK果D只會留下言…
但依家唔同LU~~
一單身姐，連小學同學都約埋出黎….
一個禮拜有成4晚係出左去….

雖然何生依舊係我屋企到….
但原來單身係咁舒服架….
鍾意點就點…十分好…呵呵~~~

終於講出口啦，四年感情完左lu
唔都知係邊搵咁大既勇氣….
感覺怪怪的，但冇太大不捨…
只係覺得佢係我屋企走….好似唔知點咁….

唔經唔覺同何文傑四年啦。
初初一齊，從冇諗過拖咁耐。
去到2年果陣，曾經有一剎那覺得會嫁俾呢個人。
到左4年，我只覺得累了…..

唔知由幾時開始，我眼中既佢只有缺點!!
唔知由幾時開始，我地再沒有話題!!
唔知由幾時開始，我地再沒有共同點!!
唔知由幾時開始，我想放棄所謂辛苦得來既佢??

有時諗，當初係未因為好勝而想佢返我身邊。
但又諗，我當初乜都冇做到。
第一次分手，我真係冇搵佢丫，同班FD出街。
唔知點解佢係我樓下出現。
到左年半，她的前度唔知點解竟然離開佢。
自始佢就將我困左係佢世界入面。

四年啦….累啦…真係好累…
佢既改變令我仲累…
永遠都係唔岩，佢俾既野唔係我想要既野~
點解會咁架呢???
朋友識我一年，甚至更短時間。
佢地會知道我想要既係咩。
一個同你訓左4年既人，竟然唔知你要咩-0-可笑嗎?
我係到諗，究竟仲要幾多年，我先可以搵到屬於我既野???

六年了，我與『你』相處了六年啦。突然既離開，我真係未能接受。

雖然一早就知『你』時日冇多，但當真係離開時，我個心就好似被挖空一樣。

以往，我放工/去完街返屋企，『你』總會吵著要抱抱。
如今，我回到家裹，沒有『你』的嘈吵，『你』靜靜地坐在婆婆旁邊。

以往，我在房睇電視時，『你』會扭抱，靜靜訓係我旁，陪我睇電視。
如今，在旁邊還會慣性留下空位，但再沒有『你』的陪伴，異常寂寞。

以往，我在廳睇電視時，『你』會係我唔為意既時候，霸佔我個位。
如今，再沒有會與我爭位的情況出現，好不習慣。

以往，我沖涼時，『你』會係門口靜靜等候我出黎，然後一齊返房。
如今，我沖完涼出黎，沒有『你』的陪伴，自己默默返房。

以往，在我訓覺時，『你』會在我旁邊陪住我訓。
如今，我旁邊的床仔還在，但『你』已不在了。

『你』的離開我真係的好傷心，雖然『你』一開始就不是我照顧，但這六年入面，我盡心盡力地照顧『你』，在家中，『你』最癡果個係我，最聽我話，無論咩時候，『你』都會陪係我身邊，開心、唔開心、煩腦……你都會默默在我身邊守護住我。

『你』離開我已2天，返工時，我與平時無異，但回到家，在房入面，眼淚不自覺地流，我真係好掛住『你』

BB仔，你要快D投胎唷，下世搵一個好主家。
唔好再跟著以前的主人一樣，把你打到唔似狗形。
令『你』過著如黑暗般的生活。
我唔知帶『你』返屋企是否正確，但現在有婆婆陪係你身邊，我好安心丫。
記住 – 唔好唔記得我唷~~

係呢個離離合合既情況下，唔經唔覺我同何文傑已經3年半啦。

 其實咁大個女都係第一次同人拖咁鬼死耐，哈哈。身邊既同事，朋友，包括何生，都成日講一句，都一齊咁耐啦，幾時結婚。

 幾時???唔知呀，好耐咩???又唔覺呀。

其實好多人都知道，我真真正正同佢拍拖只有2年，因為頭果年半都比左第二個女仔。而後面果2年先係屬於我﹗

2年前，佢同果個女仔終於真真正正斷晒，佢向一個唔浪漫既情況下向我求婚。雖然係大街大行，不過並唔係果D當眾跪係到拎戒指果D娘爆行為，只不過咁岩大年初一又係情人節送左一隻我仲係未知係未水晶既戒指俾我。

直到2年後，佢都仲係不停咁PLAN幾時結婚，問心果句，我仲未想嫁，因為我知既都已經有3個求過婚，唔知果D就….而且我又唔覺得佢好有誠意想娶喎。仲係覺得佢似係想果個年紀結婚，是但一個人都OK咁既感覺。

 再加上佢仲係一個大細路，未適合組織家庭囉，而我又未有呢個心理準備喎。

雖然，佢比起以前好左好多，以前就算佢D前度打俾佢，佢陪人傾計，話D會令人誤會既野OR同人係到搞曖昧都覺得自己係冇問題的。

經過我一輪既發脾氣後，每逢有女人搵佢，佢自己會識得講我知，連內容都會講啦，如果係我身邊，我冇心情未聽囉，不竟我聽親都係俾人CUT線，而冇心情，未俾返佢自己聽囉。 

其實又好唔明白，佢聽同我聽有咩分別呢???當知我係佢身邊未又係收線，點解硬要鬼鬼鼠鼠呢???真係唔明白，就算我D男性朋友都好，打俾我如果佢聽都會照講搵EVA架，咁當然我唔得閒先佢聽啦，唔會好似佢D朋友咁冇禮貌CUT人線囉。 

唉…真係咩人都有，我又唔明點解何生咁想結婚，好似識D男人咁鬼鍾意同人結婚，前前後後求4次婚，佢唔悶架咩???哈哈…點都好…呢2年都好平安渡過，如果係佢提出既婚期前都仲KEEP到，未嫁囉，如果又俾D靚女搞掂到佢既，咁未拜拜囉…又真係睇佢做化啦~!!呵呵

好大壓力…好大壓力…好大壓架呀呀呀呀呀呀呀呀~~~

自己俾自己壓力太大，負荷唔理，想搵人傾，但又唔知傾乜…

講又唔明，同事又唔講得。無奈….

唔知想講乜…唔知想做咩…

日日係公司都係做做做同做…

而d人就玩玩玩同玩…仲要不時俾蕉皮人踩。

係未得閒得剩???

原以為坐2間分行都唔會有太大既影響，都係同以前一樣。

但事實又唔係bor，依家等同1日做2日既野，要管既範疇有好多。

依家接手阿姐d野，發覺佢都幾多野做，平時見佢俾晒我做，以為佢冇野做架添-0-

雖然唔係好難既事，但都幾多野係未識架囉，又要重新學習，哈哈。

每個禮拜仲會有一樣新野學…希望自己跟得掂啦…

同事與同事之間關係良好，只係仲未可以好自然地跟望管相處。

——————————————————————————–

琴日姨媽生日，我地一行8人去左尖咀某間樓上吧!!!

由於我已經半戒狀態，只係需要應酬時先飲，所以琴晚我只係有唱歌的份。

哈哈…何先生佢呢個地獄黑仔王當然係不停咁飲啦..哈哈

大慨1點，我地走lu，因為我今日仲要返工。

何生不停地嗌好飽….-0-

返到屋企點幾，整埋d野2點….zzzzzzzzzz

——————————————————————————–

一早返到公司，整埋公司上既野，就小睡片刻丫。

到有同事返工，因為太累，叫佢地幫我買埋早餐。

邊食就邊睇報紙，依家…打埋個xanga就開工。

冇計啦，主管開會，緊係拖得一個鐘就一個鐘唔做野…哈哈

依家仲諗緊下午好冇請假返屋企訓丫，不過….成枱都係野，我諗…算吧啦~~

今日應該係行運既一年，好多事都好如意地進行。

今年賭乜都嬴，明明被炒，最後又因為炒我果個走左，留返低。

琴日慶祝nelson升職，一向冇乜抽獎運既我，居然中左1千蚊現金獎。

哈哈….無啦啦多一千銀洗都唔錯。

終於調左舖，跟唔同既人，感覺良好丫。

某位主管當日同我嘈得面紅耳赤，用盡方法想我走。

如今，又再次碰頭，又唔再好似以前咁，或者2個都成熟了。

畢竟佢已經係爸爸級lu….希望黎緊會可以更好啦。

唉…只不過4日紅日姐…唔使咁多野做丫-0-”"”

琴日企完盤累到死…仲以為今日會可以停一停…

點知都係咁忙…9:30開始做…做到2點先去食飯…

返到黎唔見老闆係到…擺工….

執返晒d文件…聽日努力吧…

last一個月住呢到…希望唔好再有突發野發生…

過多個月我可以做返個小小小人物…筍!!!

唔好再俾咁多野我搞啦-0-”"

4日紅日有3日係用黎玩…第4日又係落盤時間-0-”"

第一日就同傑’s表姐慶祝生日…

第二日就陪左2隻野去整甲就同傑返大陸放鬆一day

整完甲甲就做美容再揼骨….

第三日就同果2隻野行街&剪髮…我將留左3年既頭髮剪短晒…