唉...只不過4日紅日姐...唔使咁多野做丫-0-"""

琴日企完盤累到死...仲以為今日會可以停一停...

點知都係咁忙...9:30開始做...做到2點先去食飯...

返到黎唔見老闆係到...擺工....

執返晒d文件...聽日努力吧...

last一個月住呢到...希望唔好再有突發野發生...

過多個月我可以做返個小小小人物...筍!!!

唔好再俾咁多野我搞啦-0-""

4日紅日有3日係用黎玩...第4日又係落盤時間-0-""

第一日就同傑's表姐慶祝生日...

第二日就陪左2隻野去整甲就同傑返大陸放鬆一day

整完甲甲就做美容再揼骨....

第三日就同果2隻野行街&剪髮...我將留左3年既頭髮剪短晒...

 

今日12點幾起左身，跟住同媽咪家姐，細妹&何先落樓下食野...

食完冇耐就打左4圈牌...跟住出左去megabox同阿傑's大表姐慶祝生日。

起初得我&阿傑 + 細表姐 + 佢二哥&二嫂啦...

因為大表姐原來唔知我地到...所以係大表姐未黎之前就拎左房..

到大表姐黎果陣我&阿傑&細表姐入左廁所。

二哥二嫂出左房...

第一個係細表姐出去say birthday,,,跟住二哥二嫂...最後我地...

原來表姐夫唔小心爆左有人拎房...所以表姐估到有人，不過估唔到係細果個...

跟住見細表姐打電話，又估到二哥二嫂...只係估唔到我同傑少...

因為冇諗過廁所入面有3個人...哈哈...

跟住同佢班fds唱k & 飲酒...玩到5點走人...

依家傑少幫me吹頭...zzzzzzzzzzz

琴日11點就出青衣拎文件，等到12點再落長沙灣交低。

跟住去新鴻基中心收票，再過灣仔政府大樓打釐印。

2點搞掂晒落佐敦見3年冇見既阿SIR...

食左2個幾鍾頭飯...落旺角開會...超忙的一天...

但見到2位老朋友...忘了累...

今日HEA到12點9出青衣放低文件...

再去ICC企盤...仲要未知幾點收工-0-"""

琴晚成2點先返到屋企...4點先至訓...

依家同身骨痛...仲要落盤...OMG_/

不過算啦...聽日放假...

不過好似放假忘過返工...

我頂...

通常無聊既時候我係我打Xanga既時候!!
依家已經將近十二點,我仲陪緊何文傑開工!!
好耐冇陪到咁夜啦，通常陪佢開工係咁岩接到我收工,而佢亦差不多可以收工先會陪佢,如果開得夜佢就會車左我返屋企先!!
然而今曰我係九龍收工,佢又過黎接我收工,順勢陪佢開工,直到依家,同時發現係唔知佢幾點收工的-_-
不過幸好佢架貨車係有床俾我訓，如果唔係就慘啦!明天唔返工都似!!
偶然一兩次陪佢開工都幾好的，當增進感情,呵呵!

呢排公司成日都冇主管係到，而我當然係最得閒啦。

最近又識到一個甚為偏激的大學生。佢細我半年。

唔知係未因為涉及愛情的關佢，令佢太過偏激...

同我一位男同事拍拖7年，但最近男同時睇中左一個細佢2年既女同事...

然而甩左個7年女朋友(大學生)...跟住就係大學生的報復...

起初佢又喊又成係咁求個男仔返轉頭...但冇作用...

之後就係咁鬧又中傷個女同事最後出埋手..都係冇用...

最後..佢決定踩到黎公司...為的唔再係複合...而係落面-0-"""

跟住果位男同事就係我地每日既笑話...

當個女仔靜靜地開始冷靜落黎..唔再為呢個人既時候...

前後唔夠3個禮拜...果男人返轉頭了...

冇他...佢起初以為妹妹仔身材好正...

食完發覺不外如事...最後..佢不停地比較...

都係覺得7年果個適合佢...所以食回頭草...

而果個女人一同返個男既一齊既同日...

要教精我呢個人...同埋要入黎見下個妹妹仔...

最後我同佢傾左接近2個鍾頭既電話...-0-"

佢一味將自己講到有幾勁有幾勁...

識幾多人，見過幾多人...話我知 [[ 佢食鹽多過我食米 ]]

話我知佢係大學生...而我..只係個中學生..

最後佢話佢一D都唔在乎個男...但...到依家都係咩都聽晒條仔話-0-"""

一齊係為報仇...同日夜晚..佢就入左黎公司門口做左場大龍鳳...

三日後...公司收到投訴信...個女同事被炒...搞事的男同事冇事..令公司上上下下討厭...

五日後...我都因為呢件事被炒了...老闆無理的解僱...

一星期後...我個再大一級的老闆留返我...下個月開始我唔再係呢間舖的人...

呢件事發生後..有一段時間好嬲個男既...點解佢要玩我個朋友...點解要連累埋我呢???

但當我被炒果陣...我又唔再嬲喎...可能...睇開左掛...

有2位上左年紀既同事...佢地都係信佛...成日都叫我每事看開D...個人會開心D...

去嬲一D無謂既人...最後係自己唔開心...與其係咁..不如去做一D會令自己開心D既野...

最後我選擇原諒個男...我同佢冇再好似以前一樣咩都傾...至少...公司都仲可以講到...

呢件事發生後..令我明白好多野...

我唔係第一次有人用學歷黎踩我...但我好想講...就算我冇學歷...我有的是人生經驗..

係做學生永遠學唔到既野...每個人都會有黑暗一面...

我相信每個女人都唔係一個簡單的人...越到有人入侵自己的感情世界...

一定用盡方法去得到自己想要既野...只不過係唔係高明既手法...

世上樣樣野都重重覆覆...重重覆覆..今日你害我...聽日我害你...

何必呢???不如放低仇恨...做返開心既自己...

唔好再為以前的事去牽絆你的將來....

每年都會搵d時間睇返以前既日記...

咁岩呢2日係公司悶到爆，就走去睇下啦~

發覺其實以前自己真係好鬼無聊...

差不多年年開一個，計計埋埋有成10幾個...

有d開左唔記得pw...有d就冇打過野...

有d因為朋友叫就去開..為既係睇下朋友既野..

再唔係因為同某d女性嘈左，而唔用個...

依家睇返真係覺得幾無聊...次次都搞到自己唔用個。

一係就換鬼左去，好少係用到好耐，哈哈

不過近呢2年...我都冇乜時間打xanga...

依家連facebook都唔多願打野，只係睇人地d近況咁...

好多時都係..甚至係facebook都唔開...

呢2日都有睇人地個xanga...由頭睇到落尾..

睇左好幾個人..(因為真係好鬼得閒...)

睇左人地個xanga..其實都覺得自己都幾幸福...

依家乜野都平平穩穩...幾開心...

黎緊工作上有d變化...希望可以做得更好啦~