February 17, 2009

  • To: 阿盈

    　　經過星期日件事，我對你真的只有『失望』兩個字形容，我對你的好，唔知你感唔感受到，或者從來都唔覺，又或者唔係唔覺，係唔知點樣形容吧！

    　　每次你有事，我冇唔理過，你有唔開心，你打俾我同我講，我總會第一時間理你，曾經同你講過我唔想再同你做朋友，因為果件事對我黎講我接受唔到，但最後，我選擇原諒你，同你再次做朋友，而我亦冇計較過太多，更用心對你，有咩都同你講，甚至話埋你知我想點，我對你睇法，講埋大家點做先可以繼續做朋友，放低以前，但．．．今次．．．我真係唔得～

    　　應該話係冇咁快可以，未必要好長時間，可能俾一兩個禮拜我，我又冇事咁企係你面前，但真係俾ｄ時間我去諗，今次我真係好唔開心，我估唔到你係一個咁既人，而你俾我既反應仲要係我好煩，唔想理我～所以，我諗我地要分開一段時間～但．．．你永遠都係我朋友

Comments (1)

  • 我記得我曾經對你講過我唔相信我身邊有人會對我好，由我畢業到宜家發生過好多事，一次大獲過一次，你永遠都會係我身邊支持我幫我，但係我就只會令你一次又一次失望～我成日會話人地唔識得珍惜，點解我對佢咁好，佢都要咁對我，到宜家我發現我今本無資格話人，因為我自己都唔識珍惜，唔識珍你地一班”最佳損友”為我做過既一切～對唔住～哩幾日自己一個係屋企諗佐好多野～係到諗到底點解會攪到今日有咁既結果，我太任性太唔顧後果去做～永遠唔肯承認自己所做錯既事～我唔知到哩一刻先發現自己既過錯去改會唔會遲～我唔敢期望你地會再次原諒我，你地俾我既機會太多，但係我都無好好珍惜過～

    對唔住我既最佳損友～

    To eva

    　我知我宜家講咩都無用~因為我對你講既大話太多啦~承諾過既野都做唔到~令你失望完一次又一次~咁多個朋友中我知你會係最失望最心痛既一個~因為你係最關心我最用心對我~每次無論你幾唔開心都會笑住咁面對我~知我唔開心都會用盡辦法哄我陪我~直到今次你同y2k問我既時候~我唔出聲唔係因為覺得你地煩~唔想你地理我而唔出聲~而係我唔敢面對你地~我自己都覺得自己做得好錯~我自己都原諒唔到自己~我無面去面對你地~我再搵唔到籍口去解釋自己既過錯~咁大個人先攪d咁既野~好kind好傻好蠢~y2k問我有無野想講既時候~我答無~唔係因為唔想再聽你地話我~無係因為我唔知可以再講d咩~我傷得你太深~我唔知我可以做d咩彌補我既過錯~但係我知道凡事都無可能從頭開始~心裡面無論點都總會有刺~之後既日子我唔知你重會唔會願意陪我行~我真係知錯~我好想有你同一班最佳損友陪我行日後既路~用時間同行動去證明俾你地睇我絕非無藥可救~你永遠都會係我既好朋友~求你原諒多我一次~俾多次機會我去改~相信多我一次~最後一次....................　　

Comments are closed.

Post a Comment